VOLKSTUUNVERDREIT
Ik haar al heil voak lezen, want dat stun voak in de kraant
Er wasz'n heil wat börgers met een eigen houkie laand
Zo'n volkstuun was een oetkomst, want de gruinten wasz'n krap
Ik docht: Dat dou ik ok van't joar en 'k gung metein op stap:
Refrein:
Ik heb een eigen kwekeraai Andere versie: Ik huur...
Doar kweek ik mous, doar kweek ik praai
Doar kweek ik wortels veur de weck
Doar kweek ik rooktabak en shag
O, nee, zo'n volkstuun
Is lang niet gek!
Ik huurde dus een volkstuun en ik gung direct an 't waark
Ik leinde van mien buurman gauw een schoffel en een haark.
Ik gung direct an't groaven moar'k gung gauw noar hoes tou, waant Andere versie:
Noa tien minuten spitten haar 'k aal bloaren in mien haand. groaven en spitten omgewisseld
(Refrein)
Ik nam mor gauw een kerel en zo kwam dat veurmekoar
En haar ik veur een tientje d'heile boudel kaant en kloar.
Mor 's zoaterdagsnoamiddags ruik ik heildaal van de wies
Ik luip mai 't gat oet hoaken mor kreeg naargens aarteries !
(Refrein)
Een dag of veier loater, ja, woar komp 't zo gauw vandoan
Zaag ik het allereerste gruin aal op mien akker stoan!
"Het komp aal op!" zo ruip ik blied, mor buurman die is keek,
Die zee: "Dat is gien zoaderaai, 't is altendonder kweek!"
(Refrein)
Dou kocht ik gauw een boukie, dat mie hiel geschikt tou leek
"Wat doet de amateur-tuinder het beste tegen kweek?"
Doar stun'n stoere woorden in, zoas ik naargens las
Mor 'k snapte toch, dat 't allerbeste "aldeur weiden" was.
(Refrein)
Ik kon niet meer, as 'k vrouger dee, goan oavendproaten, waant Andere versie:
'k Mus schoffelen en weiden op 't vervlörgenkte stukkie laand. 'k Mus elke oavend weiden op dat smerig stukkie laand.
En op een zek're mörn von 'k een breivie in de bus,
Woarop stun, dat ik ankom joar mien graslaand scheuren mus!
(Refrein)
Toen bin ik in een heile tied niet noar mien akker west
Mor 'k mus toch wel is kieken, want 'k mus oogsten toch in 't lest.
Mor doe ik met mien körvie kwam, toen zaag ik doarzo dat
Ze had'n aal mien rokeraai en rooie boeskool jat!
Ik haar een eigen kwekeraai
Mor ik kreeg gien mous, ik kreeg gien praai,
Ik kreeg gien wortels veur de weck,
Ik kreeg gien rooktabak en shag
Nee, van zo'n volkstuun wo'j stoapelgek!
(In een andere versie is het laatste "refrein" vervangen door de zin:
En nou he'k er zo genog van, dat dit joar neem ik gien volkstuun!)
Opgeschreven 14-4-1944, maar mogelijk al gezongen tijdens de feestmiddagen van de PICA in januari 1944.