Rowol, 20 dec 1994
Martin,

Laot mai die Redacteur nou mor votdaolijk schrieven
Dat ik zien kreupeldicht niet slim waarderen kan
In dat Drints-Literair? Ach, praot mai der niet van!
Laot hom mor bai zien Luus an 't Zwaarteweggie blieven!

Oh redacteur van Roet, gao toch niet overdrieven
Zoaj wel weiten bin 'k een einvoudig man
Al bin 'k milieubewust toch aarger ik mai an
Aal dat milieugedou van Drintse wilde wieven.

Laot mai mien baarkenboom bai mien gazon toch kappen
Dat male ding stun mai te laank al de weeg
Omdat gien tudeltaon, zoaj misschien wel snappen,
Daor onder aal dat blad nog ein spier zunlicht kreeg.
(Tien gulden mus ik nog an legesgeld berappen
Want de gemeintepot is bliekbaor aorig leeg!)


Ok al niet slim Literair vanzölf, mor ja, hou kuj in een tied daj
doodgooid worden met sparrebomen ok over zo'n onneuzel klaain
baarkeboompie schrieven!
							't Beste!

							
In een voorafgaand nummer van Roet was blijkbaar een kritiek geplaatst op het omzagen van boompjes.