Rowolmer zullen er blieven 

(Lied revue schoolfeest Roderwolde, 1971, zie: Trekwaark blz. 78 e.v.)
 
Refrein:
	Ja ja, ja ja, ja ja ja ja ja ja
	Rowolmer die zullen er blieven
	Die krie'j oet Rowol niet vandaon
	En wat ze in Assen ook schrieven
	Rowolmer die blieven bestaon!
	
Rowolmer dat ku'j heil vaok heuren
Die binnen zo ein met mekaor
En as d'r is wat moet gebeuren
Dan kriegen ze 't zeker wel klaor.

(Refrein)

Ze zitten mekaor in de haoren
Mor altied dan zul ie weer zein
Ze zullen de einhaaid bewaoren
Rowol dat blif altied weer ein.

(Refrein)

Ze hebben soms haor op de tanden
Van 't Samber tot Haorveensediek
Ze kinnen gien rangen of standen
Rowolmer bin almaol geliek!

(Refrein)


Dit lied verscheen later op de LP Noordenveld (1983), met de volgende coupletten:

	Rowol lig zo wied in het noorden
	Rowol lig zo wied van Den Haog
	Aal waacht het op hoezen al jaoren
	Rowolmer, die wonen er graog.
	
	(Refrein)

	De heren in Assen die zeden
	Wai zullen 't mor ofschrieven gaon
	Dat zul, docht heur, 't beste wel wezen
	Zo'n dörpie was toch niks gedaon!
	
	(Refrein)

	Eerst was er met heur niet te praoten
	Mor da's nou gelukkig veurbai
	Nou kriegen ze ok in de gaoten
	De klaain'ies die heuren er bai!
	
	(Refrein)

	
(Af en toe is het refrein nog wel eens op een feestavond te horen.)