RONERMAARK 

De Ronermaark was altied bai de kerk en op de Brink, 
Doar hebben altied alle kroamen stoan, 
Doar stun de Kop van Jut en doar stun de fietsemeul, 
En nou zul dat ineins doar zo vandoan?

Refrein: 
	Nee, nee, nee, nee... nee, nee, nee, nee! 
	Niet bai de kerk vandoan, niet noar de Albertsboan!
	Nee, nee, nee, nee! O, B en W! 
	De Ronermaark die blif doar stil op 't olle stee!

De Ronermaark was altied zo gezellig en zo drok, 
En kroamen stunnen doar een heile vlot, 
De autoscooter stun er en Jans Sluters mallemeul, 
En nou zul dat ineins doar zo mor vot?
 
(Refrein)
 
De Ronermaark was altied ja een feest veur groot en klaain,
Doar zaag ie al joen vrunden van aleer,
Mor op die male, dooie, veierkaante Albertsboan, 
Doar is ja gien gezellighaaid en sfeer
 
(Refrein)
 
Wel even zien verstand gebruukt, die weit dat dat niet kan,
't Verploatsen van die olle Ronermaark!
Dat wordt gien Ronermaark weer doar op de Albertsboan, 
Dat wordt allein een soort van lunapaark!


Protestlied uit ? naar aanleiding van plannen om de Rodermarktkermis te verplaatsen.
De Rodermarkt wordt van oudsher gehouden op de vierde dinsdag van september.