HOLLENBEEK BROUWER
In vrouger tied doe koj 't boerhoorn heil vaok heuren
Deur d' eiken van de brink en wiedweg over 't veld
En wel de reden wus het haostig deurverteld
An elk die heuren wol wat of er mus gebeuren.
Struup mor de mouwen op, want mörgen dan zal 't weden
Met man en macht an 't waark, dan gao wai an de slag
Met 'n kanner speul wai 't klaor, al wordt 't een zwaore dag
As d' aovend einmaol vaalt, dan is het slimste leden.
Hollenbeek Brouwer luit ok in naaitiedse daogen
Van het Provinciehoes weer het boerhoorn klaogen
Hij ruip de schrievers op van onze Schrieverskring.
Hij hölp en hij gaf steun, gaf nooit de moud verloren
Al gaait e vot, hij blif ok nao verloop van jaoren
Een beste hoornboer in onz' herinnering!
Anbeuden deur de Drentse Schrieverskring op zaoterdag 20 juni 1987 an
Jan Hollenbeek Brouwer ter gelegenheid van zien ofscheid as gedipteerde.
Tekst: Peter van der Velde
------------------------------------------------------------------------
Dit sonnet bevatte als regel 6 eerst:
An 't waark met man en macht, wai gaon weer an de slag
en als regel 11:
Hij was een grote steun veur onze Schrieverskring
Het resultaat van het bovenstaande is te zien op deze scan.
Het officiele afscheid van de gedeputeerde vond al plaats op 16 april 1987.
Peter van der Velde maakte daarvoor snel een kort gelegenheidsgedichtje:
Aal prat e ons taol
Met een Grunnings accint
Toch vindt elk en ein hom
Een rasechte Drint.
Mor hou e ok prat
Ein ding weit ik secuur
Hij het haart veur ons volk
En ons Drinse cultuur!
Wat e döt veur ons taol
Wordt deur ieder waardeerd
En daorom: bedankt...
En... gefeliciteerd!