--- Rondeel I ("zondag, 13-2-1977")

De hemel hung te hoog, mien kind,
Die kun wai niet bevatten
Veur wel zo vocht met tegenwind.
De hemel hung te hoog, mien kind,
Veur wel, as wij, zo slagen bint
Zo in de zörgen zatten,
De hemel hung te hoog, mien kind,
Die kun wij niet bevatten.


--- Rondeel III ("maandag, 14-2-1977")

Wai wazzen zo wies met ons baaiden,
Wai wazzen goud zeuventien jaor,
Wai wazzen deur niks meer te schaaiden,
Wai wazzen zo wies met ons baaiden.
Wai doolden deur 't veld en wai vraaiden,
De lucht was zo heller en klaor,
Wai wazzen zo wies met ons baaiden,
Wai wazzen goud zeuventien jaor.


--- Rondeel (Krödde, nr. 22, blz. 43. Juni 1987)

Hij stun op 't Vismaark elke week
Met schelvis en gernoaten
Hij zaag neit hou ze noar hom keek
Doar op de vismaark elke week
Mor aal heur longern hölp gien steek
Hij haar niks in de goaten
Hij stun op 't Vismaark elke week
Met schelvis en gernoaten.

De oorspronkelijke versie is van 25-11-1986. De titel was toen nog "Dooie" en regel 6 luidde: "Hij haar 't niet in de goaten".


Een Hogelandster hereboer
Die wol in 't Grunnings dichten.
Mor 't riemen von e aal wat stoer
Die Hogelandster hereboer.
Hij zee: "Ik vin 't een heile toer
'k Kan beter hoaver zichten
Dan as een Hogelandster boer
In 't Grunnings wat te dichten."