KLAAINE EERPELIES...
"Wat döt ons meester daor in 't laand?"
Zee lestdaogs Geerten Peit.
"Het liekt wel of e aaier zöcht,
Mor nee... dat döt e neit...
As ik mai niet vergis, dan het e
'n Matzak in de haand...
'k Wil toch is kieken wat e döt
Daor aachter in ons laand."
En Peit die schoot zien stevels an
En gung naor 't heuilaand in.
"Wel Meester," ruip e nao een toer,
"Wat heb ie nou in 't zin?
Aj kievitsaaier zuiken, dan
Geef 'k joe een goiie raod
Dan moe j wat eerder 't berre oet
Want nou bi'j veuls te laot!"
"O nee...," zee meester poestig
En hij kreeg een rooie kop,
"Ik zuik hier niet naor aaier, mor
Mien vrouw haar d' eerpels op!"
Uit: De Schoolkrant Roderwolde - april 1959.