RONERMAARK 1959

 
MALLEMEUL

Doar was zo'n mooie mallemeul,
Zo'n ollerwetse mallemeul,
Een meulen met een peerd.
In zukkent he'k einmoal as kind,
As klaain, verlegen, krummelkind,
Mien stil geluk verteerd.

Doar ree ik op mien schimmelpeerd,
Mien hoog, mien wit, mien himmel peerd,
Een bliede wereld deur...
Mien moeke laachte tegen mai
En aalmordeur ree 'k heur veurbai
En wuifd' ik tegen heur.

Nou zit ons jong op 't schimmelpeerd,
Zien hoog, zien wit, zien himmel peerd
En ridt, as ik, zien rit.

De mallemeulen draait mor deur
Met tingeling en klingelkleur
En draait mor... tot e slit.


Gepubliceerd in de Leekster Courant van 26-9-1959